BALLINA VIDEO URTËSI POROSI HYJNORE CICËRIMA PROFETIKE KËSHILLA
UrtësiMos u dëshpëro ngase Zoti yt falë mëkate dhe pranon pendime Tejkalo shqetësimet dhe brengat Dëboje mërzinë nga jeta jote Lumturia e shokëve të të Dërguarit (paqja e Allahut qoftë mbi ta) Frenimi i emocioneve Arti i të qenit i lumtur E mira e diturisëBuzëqeshu Pikëllimi me Islam nuk është i lejuar as i preferuarDhe kështu u bëmë popullin më të drejtë Kujto Xhenetin, hapësira e të cilit është sa qiejt dhe Toka Ji i kënaqur me atë çfarë të ka caktuar Allahu, do të jesh njeriu më i pasur Mos u thyej nga gjëra të parëndësishmeNuk janë të gjitha problemet e kësaj bote problemet tuaDurimi është pasuri Thuaj: Udhëtoni nëpër Tokë Namazi, namazi... Merr mësim nga ata që janë në sprovë Prano jetën ashtu siç është Kur përmendet Allahu, zemrat vërtet qetësohen! Merre mjaltin por mos e thyej kosheren Besimi është vetë jeta! Dhuratë nga Allahu Shtëpia le të jetë e gjerë Ai është, i cili i përgjigjet nevojtarit, kur ky i drejtohetKrijo prej limonit pije të ëmbël Po, me të vërtetë, me vuajtjen vjen edhe kënaqësiaPërcaktimi i Zotit Mos u bëj parazit Plotëso kohën e lirë me punë Bamirësia ndaj të tjerëve të bën zemërgjerë Mos prit mirënjohje nga askush Si t’i kundërvihemi kritikës qëllimkeqe? Lere të ardhmen të vijëDita është vetëm e jotjaÇka u bë, u bë Mendo dhe bëhu mirënjohësJeto i lumturO Allah!
ka u b, u b
Çka u bë, u bë
Aid el Karni
Një lloj i çmendurisë dhe i marrëzisë së njeriut është të përmendurit e shpeshtë të së kaluarës, nostalgjia për të, dëshira që ajo të kthehet dhe pikëllimi për të. Në këtë mënyrë mbytet vullneti dhe shkatërrohet realiteti në të cilin jetojmë.
Për njerëzit e mençur libri i së kaluarës është i mbyllur dhe më nuk çajnë kokën për të. E kaluara është e mbyllur përgjithmonë në burgun e harresës e lidhur me pranga të forta. Më nuk ka për të dalë, e as ta shikojë dritën e diellit, sepse është e shkuar, diç e mbaruar. Pikëllimi nuk e kthen dot, brenga dhe vuajtja nuk e përmirësojnë, nuk e drejtojnë e as nuk e ngjallin. E shkuara thjesht nuk ekziston, andaj mos jeto në ankthin e së shkuarës, nën hijet e kaluara. Shpëto dhe braktis fantazmën e së kaluarës.
Mos dëshiron ta kthesh lumin në burim, diellin në lindje, fëmijën në barkun e nënës, qumështin në sisë dhe lotin në sy?
Nëse vuan për të kaluarën dhe për këtë je i shqetësuar e i pikëlluar, atëherë gjendja jote është brengosëse, e gjorë dhe e dhembshme. Nëse i shfleton faqet e së kaluarës, e humb të tanishmen, e shkatërron mundin dhe e shpenzon kot kohën e çmuar. Duke përmendur popujt e kaluar, Allahu i lartësuar thotë:
"Ky popull ka ekzistuar dhe është zhdukur."[1] 
Kjo do të thotë që diçka ka qenë, ka shkuar, andaj nuk ka kurrfarë dobie të gjurmojmë në kërmën e kohës së shkuar, e të përpiqemi ta kthejmë rrotën e historisë. Ai që i kthehet së kaluarës është i ngjashëm me mullisin i cili e bluan grurin tashmë të bluar, ose druvarin i cili pret ashklat.
Që ngaherë, atij që qan për të kaluarën i kanë thënë: "Të vdekurit nuk ngrihen nga varrezat."
Transmetohet gjithashtu që dikur e kishin pyetur gomarin: "Përse nuk përtypesh?"
Kurse ai ishte përgjigjur: "Nuk dua të gënjej."
Fatkeqësia jonë është se i dorëzohemi të shkuarës dhe kështu e humbim të tashmen, në vend se të ndërtojmë pallate të bukura, imagjinojmë tendat e lashta. Por edhe sikur të tubohen të gjithë njerëzit dhe xhinët për ta kthyer atë që ka kaluar, nuk do t’ia dilnin, ngase kjo vetvetiu është e pamundur.
Njerëzit nuk shikojnë anash dhe nuk kthejnë kokën prapa, ngase era fryn drejt, lumi dhe karvani shkojnë përpara. Prandaj, mos e kundërshto ligjin e jetës.


[1] Bekare, 134.

/ tijemusliman
/ tijemusliman
/ tijemusliman
/ tijemusliman
/ tijemuslimanint
© Të gjitha të drejtat e rezervuara.
info@tijemusliman.com