BALLINA VIDEO URTËSI POROSI HYJNORE CICËRIMA PROFETIKE KËSHILLA
UrtësiMos u dëshpëro ngase Zoti yt falë mëkate dhe pranon pendime Tejkalo shqetësimet dhe brengat Dëboje mërzinë nga jeta jote Lumturia e shokëve të të Dërguarit (paqja e Allahut qoftë mbi ta) Frenimi i emocioneve Arti i të qenit i lumtur E mira e diturisëBuzëqeshu Pikëllimi me Islam nuk është i lejuar as i preferuarDhe kështu u bëmë popullin më të drejtë Kujto Xhenetin, hapësira e të cilit është sa qiejt dhe Toka Ji i kënaqur me atë çfarë të ka caktuar Allahu, do të jesh njeriu më i pasur Mos u thyej nga gjëra të parëndësishmeNuk janë të gjitha problemet e kësaj bote problemet tuaDurimi është pasuri Thuaj: Udhëtoni nëpër Tokë Namazi, namazi... Merr mësim nga ata që janë në sprovë Prano jetën ashtu siç është Kur përmendet Allahu, zemrat vërtet qetësohen! Merre mjaltin por mos e thyej kosheren Besimi është vetë jeta! Dhuratë nga Allahu Shtëpia le të jetë e gjerë Ai është, i cili i përgjigjet nevojtarit, kur ky i drejtohetKrijo prej limonit pije të ëmbël Po, me të vërtetë, me vuajtjen vjen edhe kënaqësiaPërcaktimi i Zotit Mos u bëj parazit Plotëso kohën e lirë me punë Bamirësia ndaj të tjerëve të bën zemërgjerë Mos prit mirënjohje nga askush Si t’i kundërvihemi kritikës qëllimkeqe? Lere të ardhmen të vijëDita është vetëm e jotjaÇka u bë, u bë Mendo dhe bëhu mirënjohësJeto i lumturO Allah!
Mos u thyej nga gjra t parndsishme
Mos u thyej nga gjëra të parëndësishme
Aid el Karni
Sa shumë njerëz brengosen për gjëra banale dhe të parëndësishme!!!
Analizo vetëm hipokritët, sa mjerane janë brengat e tyre dhe sa të ngurta ndjenjat e tyre!?!
Këto janë fjalët e tyre:
"Mos shkoni në luftë nëpër vapë!"  
"Më liro dhe mos më ve në sprovë!"
"Shtëpitë tona janë të pambrojtura!" 
"Kemi frikë mos na godet ndonjë fatkeqësi."  
"Allahu dhe i Dërguari i Tij vetëm na kanë mashtruar kur na premtuan!" 
Sa të gjora dhe të poshtra janë arsyetimet e tyre! Sa fatkeq është shpirti i tyre! Ata më shumë brengosen për stomakun e vet, çfarë ka në pjatë, si duken shtëpitë e tyre, a kanë pallate. Shikimet e tyre kurrë nuk janë drejtuar në lartësi, në qiell plot qëllime të lartësuara. Ata sytë e vet kurrë nuk i kanë drejtuar kah yjet shkëlqyes. Brenga e tyre flet për shkallën e diturisë së tyre e cila nuk arrin më larg se mjeti udhëtues, veshmbathja dhe shtëpia.
     Numri më i madh i njerëzve ditë e net brengosen për shkak të mospajtimeve me burrin, gruan, djalin, të afërmin. E krejt kjo për shkak të ndonjë thashethemeje të shëmtuar ose ndonjë gjëje të parëndësishme. Këto janë brengat dhe telashet e tyre reale. Ata nuk kanë kurrfarë ambiciesh të larta me të cilat do të merreshin, nuk kanë qëllime madhore me të cilat do ta plotësonin kohën.
Të tillët deklarojnë: "Kur në enë s’ka ujë, atë e mbushë ajri."
Pikërisht kjo do të duhej të ishte arsye për të përsiatur lidhur me situatën ose gjënë e cila na shqetëson dhe na mundon.
Duhet të pyesim veten nëse është aq e rëndësishme sa t’na pushtojë kohën, mundin, mendimet, qetësinë, nervat dhe jetën. Nëse i dorëzohemi gjërave të parëndësishme, bashkëveprimi ynë me kohën është i dëmshëm dhe i padobishëm. Ky në të vërtetë është shkatërrim i madh.
Psikologët deklarojnë: "Në çdo gjë duhet pasur një kufi të arsyeshëm."
Prandaj, beso në vërtetësinë e këtyre fjalëve të Allahut të lartësuar:
"Allahu i ka caktuar çdo gjëje afatin dhe masën."
Prandaj çdo situatë dhe problem e vlerëso me mend, duke ia dhënë masën dhe vlerën e drejtë. Nga ana tjetër, ji shumë i kujdesshëm dhe largohu nga teprimet, dhuna e padrejtësia.
Kujto vetëm shokët e mirë të të Dërguarit, brenga më e madhe e cilëve ishte të japin betimin nën pemë dhe për këtë e fituan kënaqësinë e Allahut. Në mesin e tyre ishte një njeri për të cilin ishte më me rëndësi deveja dhe për këtë ishte vonuar, andaj u bë i urryer dhe i përçmuar.
Prandaj, vëllai im, mos ia vër veshin gjërave të parëndësishme dhe mos iu përkushto fare atyre. Vetëm kështu do të largosh brengat duke e kthyer lumturinë dhe gëzimin.
/ tijemusliman
/ tijemusliman
/ tijemusliman
/ tijemusliman
/ tijemuslimanint
© Të gjitha të drejtat e rezervuara.
info@tijemusliman.com